क्रिकेट इतिहासका यी हुन् चर्चित तीन फिक्सिङ प्रकरण !

काठमाडौं: यी हुन् क्रिकेट इतिहासमा सर्वाधिक चर्चित तीन फिक्सिङ प्रकरण :

हेन्सी क्रोनिया प्रकरण : विश्व क्रिकेटमा सबैभन्दा ठूलो फिक्सिङ काण्ड २००० मा भएको थियो । भारत र दक्षिण अफ्रिकाबीच सो म्याच फिक्सिङ काण्ड भएको थियो । भारत र दक्षिण अफ्रिकाबीचको सिरिजमा भएको उक्ता फिक्सिङमा पाँच खेलाडी संलग्न भएको पाइएको थियो ।

पाँच खेलाडीमा दक्षिण अफ्रिकाका कप्तान हेन्सी क्रोनिए र भारतीय कप्तान मोहम्मद अजहरुद्दीन पनि थिए । फिक्सिङमा दक्षिण अफ्रिकाका कप्तान क्रोनिएसहित निकील बोजे र हर्शेल गिब्स पनि सामेल भएको पाइएको थियो ।

क्रिकेट सम्बन्धि सम्पूर्ण जानकारीको लागि पेज लाइक गर्नुहोला !

भारतको तर्फबाट फिक्सिङमा कप्तान अजहरुद्दीनसहित अजय जडेजाको नाम पनि समावेश थियो ।

आईपीएल स्पट फिक्सिङ: २०१३ को सिजनमा स्पट फिक्सिङको खुलासा भएको थियो । राजस्थान रोयल्सको टिमका तीन खेलाडी फिक्सिङमा सामेल भएका थिए । यो फिक्सिङमा तीव्र गतिका बलर एस. श्रीसंन्थ, अंकित चव्हाण र अजीत चन्दिला सामेल भएको पाइएको थियो ।

साथै, त्यो बेला मुम्बई पुलिसले विन्दुदारा सिंह र गुरुनाथ मयप्पनलाई पनि सट्टेबाजी र बुकीसँग सम्बन्ध रहेको भन्दै पक्राउ गरिएको थियो। फिक्सिङमा सामेल भएको भन्दै राजस्थानले आफ्ना ती तीन खेलाडीसँगको सम्झौता तत्काल खारेज गरेको थियो ।

दिल्ली पुलिसकाअनुसार श्रीसंन्थ र चव्हाणले स्पटल फिक्सिङमा सामेल भएको स्वीकार गरेका थिए । फिक्सिङमा सामेल भएको पाइएपछि भारतीय कन्ट्रोल बोर्ड (बीसीसीआई)ले श्रीसंन्थ र चव्हाणमाथि क्रिकेट खेल्न आजीवन प्रतिबन्ध लगाएको थियो ।

यद्यपि अदालतले पछि श्रीसंन्थमाथिको आजीवन प्रतिबन्ध हटाएर सात वर्ष मात्र कायम गर्यो । जसकारण उनीमाथिको प्रतिबन्ध गएको सेप्टेम्बरमा हटेको छ । श्रीसंन्थ मैदानमा फर्किने तयारी गरिरहेका छन् ।

३७ वर्षीय श्रीसन्थले भारतका लागि ५३ वानडे, २७ टेष्ट र १० टी-२० खेलेका छन् । उनले किंग्स इलावेन पञ्जाब, राजस्थान रोयल्सलगायतबाट आईपीएल खेलिसकेका छन् ।

इंग्ल्याण्डमा स्पट फिक्सिङ: हेन्सी क्रोनिए फिक्सिङपछि अन्तर्राष्ट्रिय क्रिकेटमा २०१० मा अर्को ठूलो फिक्सिङको घटना बाहिर आयो । त्यससमय पाकिस्तान इंग्ल्याण्ड भ्रमणमा थियो ।

सो फिक्सिङ घटनामा पाकिस्तानका तीन खेलाडी सामेल भएको पाइएको थियो । फिक्सिङमा सामेल हुनेमा तीव्र गतिका बलर मोहम्मद आमिर, मोहम्मद आसिफ र ब्याट्सम्यान सलमान बट्ट थिए ।

फिक्सिङमा सामेल भएको पाइएपछि यी तीन खेलाडीमाथि आईसीसीले ५ फेब्रुअरी २०११ म प्रतिबन्ध लगाएको थियो ।

बट्टमाथि १० वर्ष, आसिफ र आमिरमाथि ५/५ वर्षको प्रतिबन्ध लागेको थियो । प्रतिबन्धपछि २०१५ देखि फेरि आमिर अन्तर्राष्ट्रिय क्रिकेटमा फर्किएका छन् ।

Show More

Related Articles

Leave a Reply

Your email address will not be published. Required fields are marked *

Back to top button
Close

Adblock Detected

Please consider supporting us by disabling your ad blocker